Manifeste affirmant le caractère un et divers de la langue d'Oc

#161: Ive Gourgaud - Re: Re: Remarques

Caricaturas tipicas deis antioccitanistas que refusan tota nòrma possibla per l'ensenhament de la lenga nòstra. Au fons, refusatz una causa : que l'occitan, la lenga nòstra, pòsca èsser de verai una lenga, amb una plaça vertadiera dins la societat. Per vosautres, l'occitan es e serà solament un "patois". Una lenga prestigiosa : lo francés !

La nòrma classica a ren de totalitari (coma se pòt ansin insultar lei victimas dau marxisme-leninisme e dau feissisme ?) : es lo resultat evolutiu d'una reflexion collectiva, e mai anteriora a Alibèrt, que se perlònga uei. Tanben ausariam dire que la nòrma mistralenca es "totalitària" pr'amor que foguèt elaborada per doas personas, Mistral e Romanilha ? Ont es la caricatura ? Ont es l'excès ?

Domergue Sumien es un lingüista professionau, autor d'una excellenta tèsi sus la nòrma de l'occitan, que vòu pluricentrica. Parteja pas vòstrei complèxes diglossics, mai pensi pas qu'aquò siga un crime.

Quand òm a perdut dins lo domeni deis idèas, òm ataca lei personas. Es çò que fan de lònga vòstreis amics dau collectiu que jòga lo defensor de la "lenga provençala" mentre que çò que vòu defendre es avans tot la dominacion de la lenga francesa dins la societat.