Manifeste affirmant le caractère un et divers de la langue d'Oc

J F Brun

/ #204 Projècte?

2012-09-19 23:03

"qu'une récupération linguistique est (encore) possible"

Benlèu es aquí la trencadura: s'arquetar sus la "recuperacion" (projècte onorable amai indispensable, de segur) o volontar que nòstra cultura retrobèsse sa granda plaça dins lo mond au sègle XXI...

Aiçò o farà jamai s'es copada en tròç. Los jacobinistas podràn dançar de gaug. Los vese ja.

Sèm a la forca dels camins. Que cadun prenga sa responsabilitat. Avèm un eretatge de mil ans entre las mans. Los que fan amb jubilacion de traucs dins la carcassa dau naviri per que s'aprefondiga pòdon pas èstre bòrnhes au ponch de pas veire las consequéncias de çò que fan. De segur s'amusan, se regalan. Nautres jogam pas, galejam pas, cercam pas la garrolha per joguina. Ensajam de sauvar lo pairòl, coma se ditz... Baissam pas lo braç mas es desesperant de veire aquela sempitèrna tendéncia de l'espècia umana a la destruccion.

Tòrne pasmens d'un acamp de l'autra mand dau mond ont ai ausit dire per de letrats venguts de pertot que lo fach que nòstra cultura aubore encara lo cap maugrat tot es un exemple per mostrar cossí es dificil de tuar una lenga de cultura. Mas s'aicesta se fai Hara Kiri, qué far contra?