Ai signa. Ai mes de tèms, que vouliéu èstre seguro de la realita semioulogico d'aquesto peticioun. Siéu pas d'un bord o de l'autre, qu'ame pas politisa l'oucitan. Mai, se pèr sauva la lengo, deve sourti de mis idèio e me jougne i militant, alor, o, siéu emé vautre. Ma voulounta, faire recounèisse l'oucitan e touti si parla couma parla egau. Que la lengo vivo, qu'es ja nascudo uno segoundo fes ! Amado

#98: Amado - Stop aux luttes politiques 

Mercé Amado, pèr vosto signaturo, vous sias pas enganado, i a ges de trapello, voulèn que nosto lengo uno e diverso siegue uno di lengo de civilisacioun dóu siècle vinten, e avèn besoun de l'ajudo de tóuti, dins un èime de fraternita apasimado.  

Noste manifèste dis rèn de mai que lou poun de visto óuficiau dóu Felibrige... mai es impourtant que l'afourtiguessian e que sieguen noumbrous à lou faire, la situacioun èi critico pèr nosto lengo. Mai sian encaro viéu, s'escriéu, se publico, se legis...

Li soul que se poudrien crèire escarraugna pèr lou manifèste soun lis enemi de nosto lengo e de sou avenidou. Aquéli que volon l'apara dins sa diversita, e l'ilustra, e la faire flouri, que l'escriguèsson en grafío mistralenco vo óucitano, voulèn lis encouraja mai que mai. Èi la toco dóu manifeste!

Fasès signa tant e mai, avèn besoun d'èstre noumbrous. La bataio èi pas perdudo tant que i'a de mounde qu'amon aquelo lengo e que ie creson!